Зямля: Адзiн неверагодны дзень

Надзвычайнае падарожжа ў свет дзікай прыроды ад стваральніка знакамітай «Дзяўчыны з жамчужнай завушніцай».

Сонца ўзыходзіць над Зямлёй, і мноства жывых істот пачынаюць свой дзень, поўны кранальных, захапляльных і небяспечных падзеяў. Ігуаны ратуюцца ўцёкамі ад атрутных змеяў, чароўныя панды ласуюцца парасткамі бамбуку, жырафы змагаюцца за  сэрца «прыўкраснай дамы»... Жыццё ў афрыканскай саване, на бязлюдных астравах у Ціхім акіяне, у лясах Азіі і на марскім дне разгортваецца па законах вострасюжэтнага баевіка, сентыментальнай меладрамы ці галавакружнага трылера.
Ніколі раней цуды не былі так блізка.
 
Фiльм агучаны на беларускую мову.